Amaro o Peregrino: Diferenzas entre revisións

{{outroshomónimos|Amaro (homónimos)}}

'''Amaro''' (coñecido coma '''Santo Amaro''') foi un [[abade]] e [[navegante]] que segundo a tradición realizou unha atarefada viaxe polo mar até o [[Paraísos celtas|Paraíso Terrenal]], na que, atravesando o Océano, protagonizou cos seus compañeiros innumerábeis aventuras. É moi loado en Galicia, onde se venera o 15 de xaneiro. É patrón dos eivados.

 

Existen dous personaxes históricos que puideron servir de base para o mito: Un deles foi un penitente francés, Amaro, que no [[século XIII]] peregrinou a [[Santiago de Compostela]] e que á súa volta se estableceu en [[Burgos]], dedicando dende aquela os seus coidados aos doentes pobres e aos peregrinos no [[Hospital del Rey]] (fundado contra o ano [[1195]] por [[Afonso VIII de Castela|Afonso VIII]]). O outro candidato é [[Mauro de Anjou]], discípulo de San [[Bieito de Nursia]], e que fundou o primeiro mosteiro bieito da historia de Francia.

 

Sexa como for, arredor da figura do Amaro histórico aglutínanse toda unha sorte de tradicións pagás cristianizadas presentes en [[Galicia]] e [[Principado de Asturias|Asturias]], relacionadas cos ''[[Immram|immrama]]'' (viaxes ás illas paradisíacas do Occidente) irlandeses, e que ligan a historia deste santo coa de abades doutros países do [[Europa Atlántica|Arco Atlántico]] como San [[Brandán]], así como con mitos pagáns dos que as viaxes de [[Máel Dúin]] e [[Bran mac Febal]] constitúen bos exemplos.

 

 

== O periplo de Santo Amaro ==

Segundo relatan as crónicas, Santo Amaro era un nobre pío de Asia que vivía obsesionado coa idea de visitar o [[Paraísos celtas|Paraíso]] Terrenal. Con esta fin, preguntaba a todos os seus hóspedes sobre a maneira máis axeitada de chegar a el. Ao non recibir unha resposta satisfactoria abandonouse á desesperación e ao pranto, até que unha noite Deus se lle apareceu e reveloulle como acadar o seu obxectrivo: Construíndo unha barca e seguindo con ela o camiñar do Sol a través do Océano.