Reino Unido: Diferenzas entre revisións

[[Escocia]] representa un pouco menos dun terzo da superficie total do Reino Unido, cubrindo 78.772 quilómetros cadrados, e entre eles case 800 illas, principalmente ao oeste e ao norte da illa principal, as máis destacadas son as [[Hébridas]], as [[Órcadas]] e as [[Shetland]]. O principal trazo característico da [[topografía]] escocesa é a [[Falla|falla xeolóxica]] das [[Highlands]] que atravesa o país dende [[Arran]], ao oeste, até [[Stonehaven]], ao leste. Está liña da falla separa dúas rexións claramente diferenciadas: as [[Highlands|terras altas ao norte e ao oeste]] (''Highlands'') e as [[Terras Baixas Escocesas|terras baixas do sur e do leste]] (''Lowlands''). As terras altas, a rexión máis agreste, contén a maioría das terras montañosas, incluíndo o [[Ben Nevis]], que con 1.343 [[msnm]] é o punto máis alto das [[Illas Británicas]]. As terras baixas, en especial a estreita franxa entre os [[estuario]]s de [[Estuario de Clyde|Clyde]] e o [[Estuario de Forth|Forth]], coñecida como o ''Central Belt'', é o lugar de residencia da maioría da poboación, incluída a cidade de [[Glasgow]], cidade máis poboada de Escocia, e [[Edimburgo]], a súa capital.