Media (Oriente Medio): Diferenzas entre revisións

 

Media constitúe un problema para os estudosos que tratan de describir este antigo imperio. As probas de que se dispoñen son pouco fidedignas: consisten nalgúns achados [[arqueoloxía|arqueolóxicos]], algunhas referencias en textos [[cuneiforme]]s [[Asiria|asirios]] e [[Babilonia|babilonios]], a inscrición [[lingua persa|persa]] de [[inscrición de Behistún|Behistún]], as obras "''[[Historias (Heródoto)|Os nove libros de historia]]''" do historiador [[Grecia|grego]] [[Heródoto de Halicarnaso]] e "''Pérsica''" de [[Ctesias]] de [[Cnido]], e un par de capítulos na [[Biblia]]. O problema é que os achados arqueolóxicos non están claros, que os textos orientais non ofrecen demasiada información, que os autores gregos non son moi fiábeis, e que parece que algúns libros bíblicos estiveron influenciados por Heródoto.

 

== O país ==

A pesar de que as fronteiras de '''Media''' nunca estiveron perfectamente fixadas, o territorio é máis ou menos o do noroeste do actual [[Irán]]. A súa capital foi Ecbatana, actual [[Hamadán]]. A súa parte oeste está dominada polos [[montes Zagros]] e bordeaba con Asiria, ao sur con [[Elam]] e Persis ([[Fars]]), no árido leste con [[Partia]], e ao norte, Media estaba separada do [[mar Caspio]] e [[Armenia]] polos [[montes Elburz]].

 

 

== Historia antiga ==

Arqueoloxicamente falando, Media está pouco comprendida. Os investigadores chamaron a miúdo medos a obxectos polo simple feito de encontralos baixo o estrato que identificaran como [[aqueménida]]. Ata o momento, os achados atopados non permiten unha definición clara da cultura meda.

 

[[Categoría:Período helenístico]]

[[Categoría:Pobos antigos]]