Pena Corneira: Diferenzas entre revisións

Trátase dunha prolongación ao noroeste da [[serra do Suído]], entre as concas do [[río Avia]] e do [[Río Miño|Miño]]. Xeoloxicamente trátase dunha masa plutónica [[Batólito|batolítica]] de 18 quilómetros en sentido meridiano e 7 quilómetros en sentido suroeste-nordés, froito dunha masa de magma que se solidificou a causa da estrutura profunda dun antigo [[volcán]], hai aproximadamente uns 300 millóns de anos. O batólito constitúeno [[Granito|rochas graníticas]] hercínicas poscinemáticas, de composición xeral calcoalcalina e subalcalina, aparecendocoa presenza de granitos biotíticos e granodioritas biotítico anfibólicas, aínda que non todo o macizo presenta facies similares. A diferenciación cristalina deu lugar a diferenzas na evolución xeomorfolóxica que fixeron posíbel a existencia do macizo e as súas formacións asociadas: cristas graníticas, domos alvéolos, corredores deprimidos, caos de bólos, [[Pía (xeoloxía)|pías]] (''pot holes'', ''gnammas''), etc.