[[Ficheiro:Septatejunction.jpg|miniatura|dereita|Unión septada na mosca ''[[Drosophila]]''.]]
As '''unións septadas''' son un tipo de [[unión celular|uniójnunión intercelular]] que se encontra entre células epiteliais de invertebrados, que ten un aspecto que lembra a unha escada visto con microscopio electrónico. Crese que proporcionan forza estrutural e permiten a función de barreira para a [[difusión]] de solutos a través do espazo intercelular. Considéranse en parte análogas ás [[unión hermética|unións herméticas]] de vertebrados, aínda que entre ambas hai tamén bastantes diferenzas. En realidade, as funcións das unións herméticas de vertebrados exércenas diferentes tipos de unións intercelulares nas moscas, o cal indica que as funcións e vías de sinalización destas unións conserváronse pero reagrupáronse de diferentes xeitos en distintos tipos de unións ao longo da evolución. Conteñen proteínas do tipo das [[claudina]]s igual que as unións herméticas. Elementos [[homoloxía (bioloxía)|homólogos]] nos insectos das unións herméticas son varios compoñentes conservados de vías de [[sinalización celular]] que se localizan nas [[unión adherente|unións adherentes]] ou no complexo subapical ou [[zona marxinal]] nas moscas.<ref>{{cite journal|last=Matter|first=Karl|author2=Balda, M |title=Signalling to and from tight junctions|journal=Nature Reviews Molecular Cell Biology|date=March 2003|year=2003|volume=4|pages=225–237|doi=10.1038/nrm1055|pmid=12612641|url=http://www.nature.com/nrm/journal/v4/n3/fig_tab/nrm1055_F3.html|accessdate=6 January 2013}}</ref>
