Igrexa de Santa Mariña Dozo: Diferenzas entre revisións

[[Ficheiro:Igrexa_de_Santa_Mariña_Dozo_-_Cambados-CA32.jpg|miniatura|300px|Santa Mariña Dozo]]

[[Ficheiro:Santa Mariña 02-07.JPG|miniatura|300px|Vista lateral]]

As ruínas da '''igrexa de Santa Mariña Dozo''', en [[Cambados]], son os restos que quedan dunha igrexa [[arquitectura gótica|gótica]] construída no [[século XV]] por dona María de Ulloa, señora de Cambados e nai de [[Alonso III de Fonseca]], sobre unha edificación [[románico|románica]] do [[século XII]]. Desde [[1943]] é [[Monumento Histórico-Artístico]].

 

 

==Descrición==

Consérvase a planta da [[nave (arquitectura)|nave]], catro [[arco (arquitectura)|arcos]] transversais, de medio punto, a [[ábsida]] e mais cinco capelas laterais, ademais da que cumpría funcións de sancristía. Tiña unha soa nave, cunhas dimensións de 24 por 11,4 metros, sendo os tres primeiros tramos da nave máis anchos cós restantes. Na decoración dos arcos e das capelas destacan os [[Relevo (escultura)|relevo]]s da Encarnación, Cristo e os doce apóstolos, a Expulsión do Paraíso e as imaxes dos sete Pecados capitais. Na clave dun dos arcos vémo-lo relevo da [[Preguiza]], representada por un home que, coa cabeza entre as pernas, aliméntase dos seus propios excrementos. Este tema repítese na decoración dos [[canzorro]]s nas igrexas e edificios da época, como na igrexa de Santa Columna, en Rianxo. González Montañés lembra que, de feito, ''preguiza'' designa tamén os propios canzorros nalgunhas zonas de Galicia ou de Portugal.

 

A ábsida, de planta cadrada, ábrese cun arco apuntado e posúe [[bóveda de crucería]], formando unha estrela de catro puntas, e cun sol na clave, que representa a Cristo. Quedan aínda algúns restos, moi deteriorados, das pinturas murais do [[século XVI]] que recubrían as paredes ata a liña da imposta. [[Antonio López Ferreiro|López Ferreiro]] di o seguinte sobre estas pinturas: "''A pesar de su pésimo estado de conservación, aún es dado observar el vigor de los tonos y la suavidad y armonía del colorido''". No primeiro tramo da ábsida había dous altares de pedra con retablos de cantería dos que xa non quedan restos.

 

A capela da [[Encarnación]], no lado Norte, é a que aparece datada en 1590, se ben contén pezas decorativas anteriores. Chámase así porque o arco de acceso está decorado por relevos que representan este momento e que lembran a mesma imaxe nos [[baldaquino]]s galegos. Na clave do arco, unha imaxe de Deus en maxestade, bendicindo ós fieis. Fronte a esta capela hai outra na que destacan as figuras de Cristo e os doce apóstolos ó longo do arco de acceso.

 

===Galería de imaxes===

 

==Deterioración e ruína==

{{Commonscat|Ancient Saint Mary church in Cambados}}

===Bibliografía===

* Julio González Montañés: "La iglesia de Santa Mariña Dozo", en ''Pontenova. Revista de investigación xove'', nº 0, 1993. [http://teatromedieval.bravehost.com/pdf/pdf/MarinaDozo.pdf].