Quimiótrofo: Diferenzas entre revisións

Os '''quimioautótrofos''', ademais de obteren enerxía de reaccións químicas, sintetizan todos os compostos orgánicos necesarios utilizando o carbono procedente do [[dióxido de carbono]]. Os quimioautótrofos usan fontes de electróns inorgánicas para producir enerxía, como o [[sulfuro de hidróxeno]], [[xofre]] elemental, [[ferro ferroso|ión ferroso]], [[hidróxeno]] molecular, e [[amoníaco]], polo que son [[litótrofo]]s (quimiolitoautótrofos). Son quimioautótrofos a maioría das [[bacteria]]s ou [[arquea]]s que viven en ambientes [[extremófilo|hostís]] como as [[fonte hidrotermal|fontes hidrotermais]] mariñas e son os [[produtor primario|produtores primarios]] neses [[ecosistema]]s. Os biólogos evolutivos cren que os primeiros organismos que habitaron a terra eran quimioautótrofos. Os quimioautótrofos xeralmente pertencen aos seguintes grupos: [[metanóxeno]]s, [[halófilo]]s, [[Metabolismo microbiano|oxidantes do xofre]], [[bacterias redutoras do xofre|reductoras do xofre]], [[nitrificación|nitrificantes]], bacterias do [[anammox]], e [[termoacidófilo]]s. O crecemento quimiolitotrófico pode ser moi rápido, como ocorre en ''Thiomicrospira crunogena'' que ten un [[tempo de duplicación]] de arredor dunha hora.<ref>[http://dx.doi.org/10.1128/JB.187.16.5761-5766.2005 The Carbon-Concentrating Mechanism of the Hydrothermal Vent Chemolithoautotroph Thiomicrospira crunogena J Bacteriol. 2005 August; 187(16): 5761–5766]</ref>