Mergullo: Diferenzas entre revisións

''Para o método de reprodución vexetativa véxase o artigo '''[[Porbaixa]]'''''

O '''mergullo''' é o acto por medio do cal o home se somerxe en corpos de auga, xa sexa o mar, un lago ou un río, co fin de desenvolver unha actividade deportiva, comercial ou de procura científica ou militar con ou sen axuda de equipos especiais.

O mergullo presenta dous formas de practicalo: a [[apnea (deporte)|apnea]] (do [[lingua grega|grego]] ἄπνοια ''apnoia'', "sen respiración"), técnica tamén coñecida como '''mergullo libre''' ou a pulmón; e o '''mergullo con equipo''', que pode ser con [[escafandra]] autónoma —tamén denominado SCUBA (acrónimo [[lingua inglesa|inglés]] de ''Self Contained Underwater Breathing Aparatus'') ou mergullo con botella— ou dependente de superficie (SSD —''Surface Supply Dive'')...

 

== Regulamentación, control e formación ==

 

As particularidades fisiolóxicas específicas á actividade, fan necesario o seguimento de regras estritas e o respecto de límites de seguridade. A práctica responsable e segura do mergullo deportivo (particularmente no caso do SCUBA) require unha formación especial.

 

=== Equipo accesorio ===

 

* Coitelo: por lei é necesario para mergullarse en moitos países. Permite cortar cabos ou redes que puidesen molestar ao mergullador.

* Cyalume ou luz química: átanse á botella ou ao BCD durante inmersións nocturnas.

* Lousa subacuática: permite a comunicación escrita ou gráfica baixo a auga.

* Boia inflable: pódese inflar co aire comprimido da botella, serve para marcar unha posición, ou como axuda para sacar obxectos pesados da auga.