Revolución Americana: Diferenzas entre revisións

[[Ficheiro:Map of territorial growth 1775.jpg|miniatura|260 px|Antes da Revolución, coas 13 colonias en vermello, a área rosa foi reclamada por Gran Bretaña e a laranxa por España.]]

A '''Revolución Americana de 1776''' tivo as súas raíces na sinatura do [[Tratado de París (1763)|Tratado de París]] en [[1763]] tras finalizar a [[Guerra dos Sete Anos]]. Ao final do conflito, o territorio do [[Canadá]] incorporouse á [[Inglaterra|coroa británica]]. Por este motivo, as trece colonias do sur: [[Massachusetts]], [[Rhode Island]], [[Connecticut]], [[New Hampshire]], [[Nova Jersey]], [[Nova York]], [[Pensilvania]], [[Delaware]], [[Virxinia]], [[Maryland]], [[Carolina do Norte]], [[Carolina do Sur]] e [[Xeorxia, Estados Unidos -de GeorgiaAmérica|Xeorxia]] comezaron a ter seguidos e crecentes conflitos coa metrópole, ademais estas colonias alcazaran desde comezos do [[século XVIII]] unha gran prosperidade económica que contribuíu a crear entre os colonos un sentimento de unidade e que unha comezase a ver á metrópole como explotadora ao ver que o goberno inglés non lle proporcionaba ningún beneficio tanxible.

As reaccións dos colonos foron, de inicio, exaltadas, pero pacíficas: exixiron o dereito de elixir representantes para o [[Parlamento]] de Londres (para poderen discutir e votar as [[lei]]s que lles afectaban), pasando despois a actos de [[boicot]] ás mercadorías inglesas. Esta guerra económica desencadearía motíns e forzou o goberno inglés a algúns recúos, que con todo non satisfixeron os colonos. O conflito agravouse coa presenza de tropas enviadas para conter as protestas. Como resposta, en [[1774]] os representantes das colonias americanas, excepto [[Xeorxia, -Estados GeorgiaUnidos de América|Xeorxia]], enviaron os seus delegados a [[Filadelfia]], nun primeiro [[Congreso Continental]] que, a partir de aí, aínda que con diverxencias no seu seo, foi a voz política dos colonos. Nese Congreso, a pesar de se manteren leais ao rei, os colonos pediran a suspensión das "Leis Intolerábeis" e firmaron unha Declaración dos Dereitos dos Colonos, no cal pediron a supresión das limitacións ao [[comercio]] e á [[industria]], ben como dos impostos abusivos. O rei reaccionou, pedíndolles aos colonos que se sometesen; estes, porén, non se abrandaron diante da coroa británica. O extremo das posicións levou á creación de [[milicia]]s, á constitución de depósitos de [[munición]]s e a un aumento continuo de tensión que iría dexenerar en [[guerra]].