Karnak: Diferenzas entre revisións

O '''complexo relixioso de Karnak''', comunmente coñecido simplemente como '''Karnak''', abrangue un extenso conxunto de ruínas de [[templo exipcio|templos]], capelas,[[pilono]]s e outras construcións. A edificación do complexo comezou durante o reinado de [[Sesostris I]] no [[Imperio Medio]] continuando ata a época dos Ptolomeos, aínda que a maior parte dos edificios datan do [[Imperio Novo]]. A área arredor de Karnak denominábase ''Ipet-isut'' ("O máis apreciado dos lugares") e era o lugar principal de culto da tríade tebana da [[Dinastía XVIII de Exipto|dinastía XVIII]] co deus [[Amón]] á súa cabeza. Forma parte da cidade monumental de [[Tebas, Exipto|Tebas]] e o complexo dálle o seu nome á aldea moderna de Al-Karnak, a 2,5 km. ao norte de [[Luxor]].