O '''Condado de Mayo''' (en [[lingua irlandesa|irlandés]]: ''Contae Maigh Eo'') é un condado na costa oeste de [[Irlanda]]. Atópase na provincia de [[Connacht]] e a súa capital é [[Castlebar - Caisleán an Bharraigh|Castlebar]]. No [[2009]] conta cunha poboación estimada en 126.000 persoas espalladas por 5.397 [[km²]]. A illa máis grande de Irlanda, [[Achill]] (Acaill en irlandés) localízase na súa costa oeste. O punto máis alto de Mayo, e tamén de Connacht, é [[Mweelrea]], con 814 m sobre o nivel do mar. O [[río]] máis coñecido do condado é [[río Moy|Moy]], no nordeste.
[[Ficheiro:Cliffs CtyMayo IRE.jpg|miniatura|esquerda|255px|Cantís na costa do Condado de Mayo, preto de Ballycastle]]
O condado está situado na costa oeste de Irlanda, e limita, ao sur co [[condado de Galway]], ao leste con [[condado de Roscommon|Roscommon]], e ao nordeste con [[condado de Sligo|Sligo]]. Castlebar e [[Ballina - Béal an Átha, Mayo|Ballina]] son os pobos que albergan maior poboación, con 10,729 e 10,146 habitantes respectivamente no [[2006]], tendo Ballina maior área territorial. Os seguintes pobos segundo o número de habitantes son [[Westport]], con 5,140 residentes e [[Claremorris]], con 3,170 habitantes. Outras poboacións: [[Ballinrobe]], [[Ballyhaunis]], [[Belmullet]], [[Swinford]].
