John Locke: Diferenzas entre revisións

Locke pasa por ser o fundador do [[racionalismo relixioso]]. Fronte á [[teoloxía]] da igrexa, que subordina o [[pensamento]] á [[Fe (relixión)|fe]], el somete a revelación [[relixión|relixiosa]] á criba da [[razón]]. Pero isto non ten no seu caso o significado dunha actitude [[ateísmo|atea]] ou irrelixiosa, senón que se trata máis ben dunha depuración que deixa como resultado a esencial racionalidade do cristianismo. Locke establece así unha identificación entre [[relixión natural]] e [[ética]]. Pero aínda así, hai que observar que na orde da fundamentación Locke pensa que a ética depende da relixión natural. Tanto unha relixión [[dogmatismo|dogmática]] como a ausencia de relixión serían ambas fonte de inmoralidade. En cambio, é a relixión contida dentro da súa simplicidade e pureza o que nos humaniza. A esta condición algúns poden acceder por unha vía exclusivamente racional, pero hai outros moitos que carecen de capacidade racional suficiente para discernir os principios relixiosos naturais, por iso a revelación é necesaria para ilustrar a estes de forma sinxela os principios que deben guiar ó ser humano. Vemos como Locke mantén un certo elitismo moral das clases cultas fronte ó carácter iletrado das masas populares, que só poden acceder á moralidade a través da relixión revelada.

 

==Véxase tamén==

{{commonscat|John Locke}}