Dili foi fundada o [[1769]] polos [[Portugal|portugueses]], como nova capital do Timor Portugués, en substitución de Lifau, no actual enclave de [[Oecussi-Ambeno]], demasiado vulnerábel aos ataques dos [[Países Baixos - Nederland|holandesesneerlandeses]]. Durante a [[Segunda Guerra Mundial]] a cidade foi ocupada polos [[Xapón|xaponeses]] e, coa fin da guerra, retornou o dominio portugués. Cando [[Timor Leste]] proclamou a súa independencia o [[28 de novembro]] de 1975, tornouse capital do novo país. Porén, nove días despois, o [[7 de decembro]], forzas militares da [[Indonesia]] invadiron Dili. O [[7 de xullo]] de [[1976]], a Indonesia transformou [[Timor Leste]] na súa 27ª provincia, chamada ''Timor Timur''. No entanto, unha loita de [[guerrilla]]s contra o invasor proseguiu, sendo violentamente combatida polo [[goberno]] indonesio. Ducias de millares de civís foron mortos.
Cando o país recuperou a súa independencia (vide ''historia de [[Timor Leste]]''), Dili volveu novamente a ser capital do país.
