[[Ficheiro:Coat of arms of Mainz-2008 new.svg|miniatura|Escudo de armas de Mainz.]]
'''Mainz''' ou '''Maguncia'''<ref>Segundo o ''Diccionario Enciclopédico Galego Universal'' (Ir Indo Edicións, Vigo 2003) ou Begoña González Rei: ''Ortografía da Lingua Galega'' (Galinova Editorial, A Coruña 2004), anexo 4.1.4. Cidades do mundo.</ref> (en [[lingua alemá|alemán]]: ''Mainz'') é a capital do Estado federado [[Alemaña|alemán]] (''Land'') de [[Renania-Palatinado]]. É unha cidade do sudoeste de Alemaña, á beira do [[río Rin]], onde desemboca o [[río Meno]]. É un porto fluvial destacado. Nela inventou a imprenta [[Johannes Gutenberg]]. Hoxe, Mainz volveu ser un centro dos medios de difusión, xa que alberga a sede da [[ZDF]], a segunda canle da televisión alemá.
Aínda que foi gravemente destruída durante a [[Segunda Guerra Mundial]], a cidade conserva unha parte importante da cidade vella, na que destacan as construcións realizadas en pedra de cor vermella (areísca, principalmente).
