Dogma central da bioloxía molecular: Diferenzas entre revisións

Unha inteína é un segmento "parasito" (ou intercalado) dunha proteína que pode escindirse el mesmo da cadea de aminoácidos cando emerxe do ribosoma e unir (empalmar) as restantes porcións do péptido formando outra vez unha cadea proteica. Este é un caso dunha proteína que afecta á súa propia [[estrutura primaria das proteínas|estrutura primaria]] que era a que estaba codificada orixinalmente no xene de ADN. Ademais, a maioría das inteínas conteñen unha [[endonuclease buscadora de dianashoming]] (''homing'') ou [[dominio proteico|dominio]] HEG, que pode encontrar unha copia do xene parental que non contén a secuencia de nucleótidos da inteína. Cando se pon en contacto con esta copia sen inteína, o dominio HEG inicia o mecanismo de [[reparación do ADN|reparación de roturas na dobre hélice do ADN]]. Este proceso causa que a secuencia da inteína se copie desde o xene fonte orixinal a un xene sen inteína. Este é un exemplo de proteína que "edita" directamente unha secuencia de ADN, e incrementa a propagación herdable da secuencia.