Esfínter: Diferenzas entre revisións

Un '''esfínter''' é unha estrutura anatómica constituída por un [[músculo]] circular ou con forma de anel que normalmente mantén a constrición dun orificio ou paso natural do corpo, que se relaxa cando se require para o funcionamento fisiolóxico normal. Os esfínteres atópanse en moitos animais vertebrados e invertebrados, e no corpo humano existen moitos, aínda que algúns son pequenos e microscópicos, especialmente os millóns de [[esfínter precapilar|esfínteres precapilares]] existentes nos [[capilar]]es sanguíneos.<ref name="vander-6th">{{cite book|last=Vander|first=Arthur|title=Human Physiology: The Mechanism of Body Function (Sixth Edition, International Edition)|year=1994|publisher=McGraw Hill, Inc|isbn=0-07-113761-0|pages=437–440|coauthors=Sherman, James; & Luciano, Dorothy}}</ref> Os esfínteres reláxanse ao morrer, polo que poden deixar saír fluídos.

Os esfínteres son efectivos para controlar a entrada e liberación de líquidos e sólidos, facilitando o seu paso nos momentos adecuados ou impedindo o refluxo. Moitos esfínteres úsanse diariamente como parte normal da dixestión ou da visión. Por exemplo, o esfínter esofáxico situado na parte superior do estómago mantén os ácidos estomacais e outros contidos estomacais dentro do estómago evitando que pasen ao [[esófago]].