Terremoto de Lisboa de 1755: Diferenzas entre revisións

 

== O terremoto ==

[[Ficheiro:Convento do Carmo ruins in Lisbon.jpg|miniatura|esquerda|220px|Ruínas do Convento do Carmo en Lisboa]]

Dunha poboación lisboeta de 275.000 habitantes, ata 90.000 resultaron mortos. Outros 10.000 morreron en [[Marrocos]]. O 85% dos edificios de Lisboa resultaron destruídos, incluíndo pazos e famosas bibliotecas, así como a maioría dos exemplos da arquitectura [[estilo manuelino|manuelina]], distintiva do século XVI portugués. Varios edificios que sufriran poucos danos a causa do terremoto foron destruídos posteriormente polo lume. O recentemente estreado teatro da ópera (inaugurado soamente seis meses antes), resultou destruído polo lume ata os seus alicerces. O Palacio Real, situado xunto ao río Texo onde hoxe se atopa o ''[[Terreiro do Paço]]'', foi destruído polos efectos sucesivos do terremoto e o tsunami, do mesmo xeito que o Teatro Real do Paço dá Ribeira, situado fronte ao pazo. Dentro deste, a biblioteca real que constaba duns 70.000 volumes, así como de centenares de obras de arte, incluíndo pinturas de [[Tiziano]], [[Rubens]] e [[Correggio]], resultou destruída.

Lisboa non foi a única cidade portuguesa afectada pola catástrofe. En todo o sur do país, sobre todo no [[Algarve]], a destrución foi xeral.

 

As ondas sísmicas causadas polo terremoto foron sentidas a través de Europa ata [[Finlandia]] e África do Norte. Tsunamis de ata 20 metros de altura barreron a costa do Norte de África, e golpearon as illas de [[Martinica]] e [[Barbados]] alén do Atlántico. Un tsunami de 3 metros golpeou tamén a costa meridional inglesa.

 

En España produciu polo menos 1.275 mortos e abundantes danos. En [[Sevilla]] houbo nove vítimas, o 89 % das vivendas resultaron danadas e afectou ata á [[Giralda]]. O tsunami posterior afectou gravemente ás costas de [[provincia de Huelva|Huelva]] e [[provincia de Cádiz|Cádiz]]. En [[Ayamonte]] morreron 1.000 persoas; en [[Cádiz]] as ondas romperon as murallas, e o mar invadiu a cidade ata tres veces, ocasionando numerosas vítimas. [[Conil de la Frontera|Conil]] foi destruída, [[Sanlúcar de Barrameda]], [[El Puerto de Santa María]] e [[Jerez de la Frontera]] sufriron vítimas e desperfectos.

 

En Galiza afectou ao retablo renacentista do altar maior da [[catedral de Lugo]], obra de [[Cornelius de Holanda]]. Tralo sismo, dividiuse en varios fragmentos, os dous maiores dos cales atópanse actualmente en ambos os extremos da nave de cruceiro.

 

As causas xeolóxicas deste terremoto e da actividade sísmica na rexión continúan sendo discutidas polos científicos contemporáneos. Algúns xeólogos suxeriron que o terremoto pode ser un dos primeiros signos do desenvolvemento cedo dunha zona atlántica de subducción, e o principio da desaparición do Océano Atlántico.

 

{{Listaref}}

 

{{Link FA|eo}}

{{Link FA|pt}}