Kiya: Diferenzas entre revisións

A existencia de Kiya era descoñecida ata 1959 ao se atopar o seu nome e títulos nun pequeno tubo de maquillaxe na colección do [[Metropolitan Museum of Art|Metropolitan]] que levara trinta anos antes, sen indicar procedencia, o exiptólogo [[Howard Carter]]<ref>Dennis Forbes, "The Lady Wearing Large Earings: Royal Wife Kiya, Nefertiti's Rival", KMT. volume 17, number 3 (2006), p. 28.</ref>. Grazas a este descubrimento e a estudos posteriores de Jurij Perepelkin, Rainer Hanke, Wolfgang Helck e Rolf Krauss entre outros desbotouse a tradicional crenza que a única muller importante na vida de Akhenatón fora a ''Grande Esposa Real Nefertiti'', a súa única compañeira na súa experiencia relixiosa e a nai das súas seis fillas. Pódese situar a Kiya por primeira vez vivindo na nova capital fundada por Akhenatón e Nefertiti, [[Akhetatón]] (actual '''[[Tell el-Amarna]]''') no quinto ano do seu reinado. Mantiña unha situación prominente na corte, como pon de relevo as inscricións co seu nome nos templos de Maru-Atón<ref>Murnane, William J. (1995) ''Texts from the Amarna Period in Egypt''Edited by E.S. Meltzer. Atlanta: Society of Biblical Literature, 1995 ISBN 1-55540-966-0 p. 9, pp 90–93, pp 210–211.</ref> e tiña a súa propia capela<ref>Hermann A. Schlögl (2003) ''Das alte Ägypten'' . Beck, München 2003, ISBN 3-406-48005-5, p. 239.</ref> no principal templo da cidade, o Per-Atón; tamén que recibise títulos pouco frecuentes como ''amada esposa'' inciden nesa importancia, como tamén o fai un rico féretro funerario, descuberto na tumba [[KV55]] do [[Val dos Reis]], recuberto de ouro e de custosa e intrincada feitura que se pensa era orixinalmente propiedade de Kiya<ref> Cyril Aldred (1991) ''Akhenaten, King of Egypt''. Thames & Hudson, 1991 ISBN 0-500-27621-8 p 205.</ref>. Non obstante Nefertiti e Kiya son claramente distinguibles polo seu rango e importancia na corte, non só que Nefertiti tiña o título de Grande Esposa Real, senón que Kiya a diferenza de Nefertiti non obstentaba poderes relixiosos<ref>Hornung, Erik Echnaton. ''Die Religion des Lichts'' Patmos:Düsseldorf 2003, ISBN 3-491-69076-5, p. 116-118.</ref>, tamén na súa representación había diferenzas fundamentais, así o nome de Nefertiti inseríase nun cartucho, figurando na iconografía coa coroa e o [[uraeus]] real mentres que o nome de Kiya non requería cartucho nin hai imaxes dela cos anteditos atributos reais. Algúns exiptólogos para explicar a súa prominencia mencionaron a hipótese que Kiya fose a nai de [[Tutankhamon]], e como nai do herdeiro do faraón recibise honras e méritos especiais, pero os estudios xenéticos realizados a momias reais exipcias dirixidas por Zahi Hawass e Carsten Pusch concluíron en 2010de xeito terminante que a nai biolóxica de Tutankhamon fora KV35YL, a "[[Dama nova]]" descuberta na tumba de [[Amenhotep II]].<ref name="pmid20159872">{{cita novas|autor=Hawass Z, Gad YZ, Ismail S, Khairat R, Fathalla D, Hasan N, Ahmed A, Elleithy H, Ball M, Gaballah F, Wasef S, Fateen M, Amer H, Gostner P, Selim A, Zink A, Pusch CM