Meganeura

thumb|250px|Fósil de Meganeura.

Modelo de Meganeura no Museo de Historia Natural de Berlín.

Meganeura (gr. «grandes nervios», en relación á rede de nervios das súas ás) é un xénero extinto de insectos protodonatos da familia Meganeuridae. Entre as súas especies encóntrase Meganeura monyi, un insecto de gran parecido coas libélulas actuales, coas que está emparentado, que vivió no período Carbonífero (hai 300 Ma). Cunha envergadura de ás de máis de 75 cm, constitúe a maior especie coñecida de insectos que xamás haxa existido sobre a Terra. A especie do Pérmico Meganeuropsis permiana é tamén de gran tamaño. Eran insectos depredadores que se alimentaban de outros insectos e tamén de pequenos anfibios.

Os seus fósiles descubríronse nos estratos da edade Estefaniana de Commentry, en Francia, en 1880; en 1885, o paleontólogo francés Charles Brongniart describiou o fósil e deulle nome. Outro bo espécime fósil encontrouse en Bolsover, Derbyshire, en 1979. O holotipo alóxase no Museo de Historia Natural de Paris.

M. americana, descuberta en Oklahoma en 1940, é unha especie representada pola maior á de insecto xamáis encontrada; consérvase no Museo de Historia Natural de Harvard.