Diferenzas entre revisións de «Illán, Begonte»

sen resumo de edición
|entidades = 10
}}
'''Santiago de Illán''' é unha parroquia que se localiza no concello de [[Begonte]]. Segundo o padrón municipal de [[2004]] tiña 133 habitantes (67 mulleres e 66 homes), distribuídos en 7 entidades de poboación, o que supón un aumento en relación ao ano [[1999]] cando tiña 128 habitantes. A parroquia de Illán abrangue a ladeira oeste dun relevo irregular de monte, regatos e lagoas naturais ao redor do rio Ladra. Esta zona pertence ó espazo natural chamado humedais da Terra Chá (Parga-Ladra-Támoga) cunha superficie de 5000 hectáreas. Neste espazo pódense atopar as especies comúns da fauna galega desde pequenos roedores ata corzos. Teñen especial importancia a variedade de aves fluviais migratorias (garzas, parrulos, lavercas) que asentan nas lagoas de Riocaldo e no curso do rio Ladra. Precisamente no entorno destes humedais atópanse os vestixios mellor conservados da orixinaria cultura castrexa como son os dolmens ou medorras ao pé das masas rochosas do Peno Castelo e Peno Maior. Outros lugares de interese poden ser a vella mina que data de principios do século vinte asi como fontes, paraxes naturais e carballos centenarios. A Igrexa, renovada no seu interior, conserva un singular artesoado de madeira de máis de medio século de antigüidade realizado polos artesans carpenteiros da aldea. A estrutura e exterior son típicas nestas construcións relixiosas de finais do século XIX. Como vén pasando en moitas aldeas, a base económica está cambiando dunha economía agrícola e gandeira a unha de servizos e emprego alleo, ainda que sen abandonar labores tradicionais no campo. Na actualidade existe unha canteira de cuarzo a carón das Lagoas de Riocaldo. Tamén ocupan superficie en Illán unha fábrica de pedra e o polígono industrial de Begonte, que ten acceso directo á autovia A6. As Festas anuais celébranse o Día de Galizia, festividade de Santiago Apóstolo, o día 25 de Xullo, patrón dade Illán.
 
==Lugares e parroquias==
Usuario anónimo