Topoisomerase: Diferenzas entre revisións
Contido eliminado Contido engadido
Liña 25:
Hai tres tipos principais de topoloxías do ADN: [[superenrolamento do ADN|superenrolamento]], anoamento e [[catenación]]. Cando o ADN non está realizando procesos esenciais como a replicación do ADN e a transcrición, o ADN debe manterse tan compacto como sexa posible, e estes tres estados contribúen a esa compactación. Porén, cando ten lugar a transcrición ou a replicación, o ADN debe estar libre. Ademais, durante a replicación, o dúplex de ADN acabado de replicar e o dúplex de ADN orixinal quedan entrelazados e deben ser separados completamente para assgurar a integridade xenómica cando se divide a célula. A medida que avanza unha burbulla de replicación, O ADN que está por diante da forquita de transcrición sofre un sobreenrolamento, ou un superenrolamento positivo, mentres que o ADN que queda detrás da burbulla de transcrición sofre un subenrolamento, ou superenrolamento negativo. A medida que ten lugar a replicación, o ADN que está por diante da burbulla de replicación queda superenrolado positivamente, mentres que o ADN que queda por detrás da [[forquita de replicación]] queda enredado formando precatenanos. Un dos problemas topolóxicos esenciais preséntase no mesmo momento de iniciar a replicación, cando o ADN fillo debe ser desenredado. A topoisomerase IIA xoga un papel esencial en resolver este problema.
==
* A [[topoisomerase de tipo I]] corta unha febra do ADN de dobre hélice, prodúcese unha relaxación, e despois a febra cortada volve a enrolarse. Ao cortarse unha febra a parte da molécula que está a un lado do corte pode rotar arredor da febra non cortada, reducindo dese modo o estrés desde un enrolamento excesivo a un enrolamento na hélice a un enrolamento demasiado escaso. Este estrés prodúcese cando a febra de ADN está "superenrolada" ou non enrolada a partir de ordes máis altos de enrolamento. As topoisomerase de tipo I están subdivididas en dúas subclases: as de tipo IA, que comparten moitas características estruturais e no seu mecanismo de funcionamento coas de tipo II, e as de tipo IB, que utilizan un mecanismo rotatorio controlado. Exemplos de topoisomerases de tipo IA son a topo I e topo III. No pasado, as de tipo IB denominábanse topoisomerases eucarióticas topo I, pero as topoisomerases IB están presentes en todos os dominios da vida, polo que ese nome non era axeitado. Hai que salientar que as topoisomerases de tipo IA forman un intermediato covalente co [[extremo 5']] do ADN, mentres que as topoisomerases IB forman un intermediato covalente co extremo 3' do ADN. Recentemente, identificouse o tipo IC de topoisomerases, chamado topo V. Aínda que é distinta estruturalmente dos tipos IA e IB, comparte un mecanismo similar coas topoisomerases de tipo IB.
* A [[topoisomerase de tipo II]] corta ambas as febras da dobre hélice do ADN, fai pasar outra hélice intacta de ADN a través dela, e despois volve a enrolar as febras cortadas. As topoisomerases de tipo II utilizan a [[hidrólise]] do [[adenosina trifosfato|ATP]]. Tamén están divididas en dúas subclases: as de tipo IIA e as de tipo IIB, que teñen a mesma estrutura e mecanismo de acción. Exemplos de topoisomerases de tipo IIA son a topoisomerase eucariótica topo II, a xirase de ''E. coli'', e a topo IV de ''E. coli''. Exemplo do tipo IIB é a topo VI.
{| class="wikitable"
|