Complementariedade (bioloxía molecular): Diferenzas entre revisións

En [[bioloxía molecular]] a '''complementariedade''' é a propiedade compartida entre dúas [[secuencia de nucleótidos|secuencias de ácidos nucleicos]] que consiste en que cando ambos están alineados de forma [[Antiparalelo (bioquímica)|antiparalela]], as súas [[base nitroxenada|bases nitroxenadas]] dos seus [[nucleótido]]s en cada unha das posicións corresponden con outra base determinada, sempre a mesma, que se considera a súa '''complementaria'''. Por tanto, a complementariedade é unha '''complementariedade de bases'''. Dúas bases son complementarias se forman [[par de bases|pares de bases de Watson e Crick]], que poden establecer [[ponte de hidróxeno|pontes de hidróxeno]] estables entre elas. O grao de complementariedade entre dúas febras de ácidos nucleicos que se comparen é moi variable, desde total a nula, e mesmo ácidos nucleicos de distintas especies poden ter un grao de complementariedade, que lles permite hibridarse en certos tramos. As dúas febras do ADN son complementarias entre si, e un ARN acabado de [[transcrición xenética|transcribir]] é complementario coa febra [[sentido (bioloxía molecular)|antisentido]] do ADN a partir da cal se transcribiu.