Tinian: Diferenzas entre revisións

Durante o breve período que durou a administración alemá a illa permaneceu practicamente baleira, sendo ocupada polos [[Xapón|xaponeses]] tras a [[Primeira Guerra Mundial]]. Estes construíron plantacións de [[cana de azucre]] e 3 pequenas pistas para [[avión|avións]], ademais de despregar unha gran guarnicióngornición defensiva que perduraría ata a [[Batalla de Tinian|conquista da illa]] por Estados Unidos en [[xullo]] de [[1944]]. Tras a vitoria os norteamericanos converteron Tinian nunha gran base aérea capaz de acoller [[bombardeiro]]s, dispoñendo as pistas e instalacións de forma que recordaban o plano urbano da illa de [[Manhattan]] e bautizáronas en consecuencia: o hospital militar, por exemplo, foi chamado "[[Central Park]]", e a área onde se atopaba a antiga base xaponesa "''The Village''", en referencia a [[Greenwich Village]]. Durante o restante ano de guerra Tinian converteuse na base aérea no [[Pacífico]] con maior actividade, acollendo o despegue da gran maioría de avións destinados a bombardear as principais cidades xaponesas. Entre estes avións atopábanse os que lanzaron as dúas [[bomba de hidróxeno|bombas atómicas]] sobre [[Hiroshima]] e [[Nagasaki]], ''[[Fat Man]]'' e ''[[Little Boy]]''.