Roca, Guitiriz: Diferenzas entre revisións

'''Roca''' é unha parroquia situada no sur-leste do concello de [[Guitiriz]]; linda ó norte con [[Santa Cruz de Parga, Guitiriz|Santa Cruz]] e [[Pígara, Guitiriz|Pígara]], ó sur con [[San Breixo de Parga, Guitiriz|San Breixo]] (separada deste polo [[río Parga]]), ó leste con [[Baamonde, Begonte|Baamonde]], que pertence o concello de [[Begonte]] e ao oeste con [[Trasparga, Guitiriz|Trasparga]] (separada desta polo río Requeixo ou [[río Roca|Roca]]). Ten unha extensión de aproximadamente 6 Km². Compóñena os lugares situados:▼

Atópase situada entre os paralelos 43º 10` 20” e 43º 12`30” latitude Norte, 7º 46` 40” e 7º 49`34” lonxitude Oeste. Tamén no mapa Topográfico Nacional nº 47-III (13-10) de escala 1:25000. É un terreo suavemente montañoso, oscilando entre os 400 e 600m, aproximadamente. As elevacións máis importantes atópanse no Leste, nunha cadea que vai de Sur a Norte, na que destacan como maiores elevacións o Penedo da Perdíz, Alto do Curro de Carlos, Penedo do Seixiño, Pena Gallada, Monte Redondo, Altos de Fontemalle, Mouteira e Lobateira. Parte destas elevacións forman conxunto de esa muralla que dende a chaira luguesa pódese observar ó Oeste como delimitándoa.▼

A partir deste serrón, todas as augas verquen cara o Sur e Oeste, formando pequenos regatos, entre os que podemos citar o da Perdíz, Fontemalle, Castellanos ou Picharegas, Quintán ou Zancas e Pedracoba ou Ramallal, que case serve como linde natural con Santa Cruz.▼

A zona situada o Leste coas elevacións nomeadas no anterior apartado, está plantada a pinos, de forma ordenada, explotada en plan comunitario. Nas vertentes que saen destes outeiros, abundan as árbores autóctonas, como os carballos, bidueiros, ameneiros, salgueiros e castiñeiros. Nos terreos ermos predominan os [[toxo]]s, [[pudia]]s, [[xesta]]s, [[carpaza]]s, [[carqueixa]]s, [[fieito]]s e [[Silva (botánica)|silva]]s. En canto a fauna silvestre é frecuente ver [[Xabaril|xabarín]], [[corzo]], [[raposo]] e [[coello]]. Polo que se refire as aves, abunda o [[corvo]], [[pega]], [[rula]], [[pombo]], [[gorrión]], [[paporroibo]], [[lavandeira]], [[gaio]], [[xílgaro]], [[merlo]], [[peto]], [[cuco]] e [[bubela]], por citar algúns. En canto a riqueza piscícola, minguou bastante dende a implantación dunha industria ó carón do río Requeixo, así como as posibles escorras de grandes explotacións gandeiras situadas noutras parroquias no seu curso alto.▼

A poboación fixa ronda os 70 habitantes, distribuídos nunhas 24 casas habitadas, dun total de 40 que forman a parroquia. Como a maioría da Galicia interior a súa economía baseábase en pequenas explotacións agrícolas e gandeiras, pero co envellecemento, o despoboamento e o minifundismo non rendíbel, apenas se quedan a metade das casas con gandería. A pouca xente nova que queda, dedicase a outras profesións ou oficios, que pouco ou nada teñen que ver coas ocupacións dos seus antepasados.▼

Ten boas comunicacións, xa que a atravesan polo Sur a estrada N-VI e a autoestrada A-6 con saída a 2 Km. na veciña parroquia de Transparga, ou a 4 Km en Bahamonde. O ferrocarril pasa tamén polo extremo Sur.▼

As ladeiras dos ríos Requeixo e [[Río Parga|Parga]] gardan fermosos lugares, así como algún que outro muíño e caneiro xa abandonados.▼