Ácido fosfoenolpirúvico: Diferenzas entre revisións

O '''ácido fosfoenolpirúvico''', que a [[pH]] celular está ionizado en forma de '''fosfoenolpiruvato''' (PEP), é un importante ácido orgánico de tres carbonos fosfatado. A molécula presenta un grupo carboxilo ou -COOH (ionizado no fosfoenolpiruvato como -COO^-), un [[dobre enlace]] entre os seus dous últimos carbonos e un fosfato esterificado no [[grupo OH]] do carbono central. O enlace deste fosfato fai do fosfoenolpiruvato unha [[fosfato de alta enerxía|molécula moi enerxética]] nos organismos vivos (-61.9 kJ/mol), que intervén na [[glicólise]] e [[gliconeoxénese]]. Nas plantas, está implicado na biosíntese de varios compostos [[aromático]]s, e na [[fixación do carbono]] en certo tipo de [[fotosíntese]]s. Nas bacterias é usado como fonte de enerxía para o [[sistema fosfotransferase]].