Teatro independente en Galicia: Diferenzas entre revisións

[[Galiza]] non foi allea ao fenómeno do Teatro Independente. Este, debe encadrarse de cheo no proceso de recuperación cultural xurdido no noso país na década de 1960, a cal vai da man das particulares circunstancias históricas existentes no conxunto do Estado durante esta época. A economía española sufriu un repuntamento positivo a partir deste ano, e a sociedade comezaba a mudar de xeito paulatino. A axuda exercida polos [[Estados Unidos de América - United States of America|Estados Unidos]] sobre [[España]] tiveron a maior parte de responsabilidade neste crecemento económico, do cal derivaron a progresiva industrialización de [[Galiza]] o fenómeno de emigración cara ás cidades e o abandono do rural. Xorde a figura do "desertor do arado". Créase pouco a pouco unha sociedade de consumo. A ditadura amolece e o Estado vaise abrindo pouco a pouco ao mundo. A muller incorpórase ao mercado laboral, os estudantes maniféstase en contra de feitos como a [[Guerra de Vietnam]] e das matanzas de estudantes producidas en [[México]] ou na [[China]]. Estamos na época do [[Maio do 68]] e da [[Primavera de Praga]], na fase da historia en que se mitifica ao [[Che Guevara]] e a [[Martin Luther King]].