Master System: Diferenzas entre revisións

O [[Mark III]] foi lanzado en [[Xapón]] o [[20 de outubro]] de [[1985]]. Foi redeseñado e posto á venda nos [[Estados Unidos de América - United States of America|Estados Unidos]] baixo o nome '''Sega Master System''' en [[xuño]] de [[1986]], un ano despois do lanzamento por parte de [[Nintendo]] da [[NES]]. O prezo inicial era duns 200 [[ Dólar estadounidense |dólar]]es. A Master System foi lanzada despois noutros países, incluíndo un segundo lanzamento en Xapón co seu novo nome en [[1987]], incluíndo integrado na máquina unha unidade FM para mellorar o son dos xogos (e que era un periférico para o Mark III).

A pesar de que a Master System era tecnicamente máis avanzada nalgúns aspectos que a NES, non conseguiu o mesmo nivel de popularidade entre os consumidores [[Estados Unidos de América|estadounidenses]]. Isto foi atribuído a varias causas, entre elas a diferenza de títulos dispoñibles para cada plataforma, e o lixeiramente posterior lanzamento da Master System. O contrato de licenza que [[Nintendo]] tiña coas compañías programadoras de xogos tamén tivo un gran impacto; este trato incluía que unha compañía que producira xogos para a NES tiña que facelo de forma exclusiva para esta máquina. A Master System vendeu 125.000 unidades nos seus primeiros catro meses neste país. No mesmo período, a NES vendeu 2.000.000.

En xeral, a SMS tivo un éxito importante a nivel mundial, pero non conseguiu capturar ó público [[Xapón|xaponés]] e ó [[Estados Unidos de América - United States of America|estadounidense]]. Sega aprendeu dos seus erros conseguindo facer da [[Mega Drive]] un gran éxito en [[Europa]] e [[Brasil]], e o equivalente norteamericano, a [[Mega Drive|Genesis]], popular. O fracaso da Master System influíu no posterior éxito da Mega Drive.