'''Mako Iwamatsu''' nado o [[10 de decembro]] de [[1933]] en [[Kōbe]], [[Xapón]], e finado o [[21 de xullo]] de [[2006]] en [[Somis]], [[California]], [[Estados Unidos de América - United States of America|Estados Unidos]], foi un actor [[Xapón|xaponés]]. En moitos dos créditos dos [[filmes]] nos que apareceu ó longo da súa carreira apareceu co seu nome acurtado como Mako, omitindo o seu apelido. Mako é recoñecido internacionalmente por ''Aku'' en ''[[Samurai Jack]]'', ''Iroh'' en ''[[Avatar: The Last Airbender]]'', ''Akiro'' en ''[[Conan o bárbaro (filme)|Conan o bárbaro]]'' e polo ''Mestre Splinter'' do filme ''[[TMNT]]''.
== Biografía ==
Era fillo do coñecido autor e ilustrador de libros infantís [[Taro Yashima]]. Os seus pais mudáronse ós [[Estados Unidos de América - United States of America|Estados Unidos]] cando era un cativo. Reuniuse con eles aló despois da [[Segunda Guerra Mundial]] en [[1949]], uníndose ós militares na década de [[1950]]. Converteuse nun cidadán [[Estados Unidos de América|estadounidense]] en [[1956]]. Estudou [[arquitectura]] e durante o seu [[servizo militar]] descubriu o seu talento teatral, polo que decidiu formarse na escola [[Pasadena Community Playhouse]].
Mako estaba casado coa actriz [[Shizuko Hoshi]], coa que tivo dúas fillas (actrices ámbalas dúas) e tres netos.
