K. C. Jones: Diferenzas entre revisións

'''K. C. Jones''' (nome completo), nado o [[25 de maio]] de [[1932]] en Taylor, [[Texas]], é un ex xogador e adestrador profesional de [[baloncesto]] [[Estados Unidos de América - United States of America|estadounidense]]. Como xogador, conseguiu 8 aneis de campión da [[NBA]], sendo só superado nese aspecto polos seus compañeiros de equipo en [[Boston Celtics]] [[Bill Russell]] e [[Sam Jones]]. Ademais conseguiu outros dous como adestrador nos anos oitenta, tamén cos Celtics.

Xogou a liga de baloncesto universitario coa [[San Francisco Dons|Universidade de San Francisco]], onde xunto a [[Bill Russell]], conseguiron dous títulos da [[NCAA]] en [[1955]] e [[1956]], aínda que nesta última tempada non puido xogar, ao ser o seu quinto ano na universidade. Porén, foi elixido para disputar coa Selección de baloncesto de [[Estados Unidos de América - United States of America|Estados Unidos]] os [[Xogos Olímpicos]] de [[Xogos Olímpicos de 1956|Melbourne 1956]], onde lograron o ouro. Fixo, durante a súa tempada universitaria, un total de 9,8 puntos e 5,1 rebotes por partido.