Nada no [[1122]], Leonor foi descendente dos nobres gobernantes do gran territorio de [[Aquitania]], situado ó sur de [[Francia]]. A pequena Leonor, creceu baixo o amparo de titores que a dotaron do amor polas belas artes e de inmediato mostrou dotes para a música e as linguas<ref>Libro: Mis Favoritos. Autor: Juan Antonio Cebrián. Editorial: La esfera de los libros. Páxinas: 69-72. Capítulo: Leonor de Aquitania</ref>.
Os docequince anos, finou o seu pai [[Guillerme X, duque de Aquitania|Guillerme X de Poitiers]] e Leonor herdou o ducado de [[Aquitania]], moi ansiado por Francia. A causa disto, a solución máis razoable foi a de ligar ambas as liñaxes e quedou deste xeito ligado o futuro de Leonor ó do futuro [[Luís VII de Francia]]. A voda tivo lugar o [[25 de xullo]] de [[1137]] en [[Burdeos]] e como era de costume na época, as celebracións duraron varios días. A parella estivo no palacio de l'Ombrière, preto de Burdeos ata a súa partida á [[París]]. A noite de vodas, os noivos foron coroados duques de Aquitania na [[catedral de Saint Pierre de Poitiers]]. <ref>Mascureau, ''in'' Labande, p 122</ref>. Nese mesmo ano ascenderon ó trono francés, tras a morte do rei [[Luís VI de Francia|Luís VI]].
