Un xenoma monocatenario que conteña tanto sentido positivo coma negativo dise que é '''ambisentido'''. Isto pode ocorrer en [[virus]] nos que a transcrición ten lugar en varias roldas.
Os [[Bunyaviridae|Bunyavirus]] conteñen 3 fragmentos de ARN monocatenarios que teñen seccións de sentido positivo e outras de sentido negativo. Os [[arenavirus]] son tamén virus de ARN monocatenario con xenoma ambisentido, xa que presentan un xenoma de 2 fragmentos de ARN que son principalmente de sentido negativo agás nunha parte dos extremos 5' dos fragmentos de ARN longo e pequeno do seu xenoma (non hai ambisentido no de tamaño intermedio).
==ARN antisentido==
O ARN '''antisentido''' é un transcrito de ARN que é complementario a un ARNm [[endóxeno]]. Noutras palabras, é unha cadea non codificante complementaria da secuencia codificante do ARN; isto é similar ao ARN viral de sentido negativo. A introdución dun [[transxene]] que codifica un ARN antisentido é unha técnica utilizada para bloquear a expresión dun xene que interese. O ARN antisentido marcado radioactivamente pode usarse para mostrar o nivel de transcrición de xenes en varios tipos de células. Algúns [[análogos de ácidos nucleicos|tipos estruturais antisentido alternativos]] estnse a aplicar experimentalmente como [[terapia antisentido]].
Cando o ARNm forma un dúplex cunha secuencia complementaria de ARN antisentido, a tradución queda bloqueada. Este proceso denomínase [[interferencia de ARN]].
Utilízanse experimentalmente moléculas de ácidos nucleicos antisentido para que se unan a un ARNm determinado e impedir así a expresión de xenes específicos. As [[terapia antisentido|Terapias antisentido]] están tamén en desenvolvemento e nalgúns países xa hai varias aprobadas para uso en humanos como os oligos fosforotioato antisentido [[fomivirsen]] e [[mipomersen]]<ref>Staff (29 January 2013) [http://www.fda.gov/NewsEvents/Newsroom/PressAnnouncements/ucm337195.htm FDA approves new orphan drug Kynamro to treat inherited cholesterol disorder] U.S. Food and Drug Administration, Retrieved 31 January 2013</ref>.
As células poden producir de forma natural moléculas de [[ARN antisentido]], que interaccionan con moléculas de ARNm complementarias da célula e inhiben a súa expresión.
