Gaceta de Galicia: Diferenzas entre revisións

Apareceu o [[1 de xaneiro]] de [[1879]], como continuación de ''[[El Diario de Santiago]]'', con [[Manuel Bibiano Fernández]] como propietario e primeiro director. Foi un periódico de orientación política liberal vinculado a [[Montero Ríos]], polo que foi cualificado de "monterista". En [[1887]] diríxeo [[Joaquín Arias Sanjurjo]] e ao ano seguinte [[Manuel Álvarez Uzal]]. Dende o [[30 de decembro]] de [[1892]] exerceu como director [[Antonio Fernández Tafall]]. Cesou a súa publicación en outubro de [[1915]] pero reapareceu de inmediato, o [[1 de febreiro]] de [[1916]], refundido con ''[[Voz del Pueblo (Santiago de Compostela)|Voz del Pueblo]]'' e con [[Ramón Rivera Torres]] como propietario e director. En novembro de 1917 pasa a dirixilo o avogado [[Francisco Vázquez Enríquez]], e comezan as colaboracións de [[Valentín Paz-Andrade]]. O [[30 de novembro]] de [[1918]] desaparece definitivamente. Foi substituído por ''[[El Noticiero Gallego (Santiago de Compostela)|El Noticiero Gallego]]''.