Dores Tembrás: Diferenzas entre revisións

Licenciada en Filoloxía Hispánica pola [[Universidade da Coruña]] en [[2001]]. Doutorouse en [[2008]] coa tese ''Arquitectura de un desencuentro'', sobre [[Alejandra Pizarnik]], logo de diferentes estadías investigadoras en Suecia, Madrid e Bos Aires. Dende entón non deixou a investigación sobre a literatura hispanoamericana, centrándose na figura desta poeta, impartindo seminarios e participando en numerosos congresos e revistas especializadas. En 2009 publica o seu primeiro poemario, ''O pouso do fume''. Colaborou en revistas como ''Serta'', ''Revista das Letras'' coa serie ''Esquiagrafías'', ou ''[[Dorna (revista)|Dorna]]'' co micropoemario ''OPIVM'' e ''Caravansari'' co micropoemario ''Silabario''. En [[2013]] obtivo o [[Premio de poesía Concello de Carral]] coa obra ''Cronoloxía da urxencia''<ref>[http://culturacarral.blogaliza.org/2013/05/13/dores-tembras-gana-o-xvi-premio-de-poesia-concello-de-carral/ Dores Tembrás gaña O XVI Premio de Poesía Concello de Carral]</ref>.