Selección de hóckey a patíns masculina de Francia: Diferenzas entre revisións

|Mundial "B" = [[1984]] e [[1994]]

}}

A '''selección de hóckey a patíns masculina de Francia''' é o equipo que representa a [[Francia]] nas competicións internacionais de [[hóckey a patíns]] en categoría masculina. A Federación Francesa fundouse en [[1910]]. A traxectoria internacional de Francia comezou cos primeiros Campionatos de Europa non oficiais de [[1924]] e [[1925]], e coas súas 46 participacións nos europeos é a terceira selección que máis veces disputou este campionato por detrás de [[Selección de hóckey a patíns masculina de Inglaterra|Inglaterra]] e [[Selección de hóckey a patíns masculina de Suíza|Suíza]] con 47 participacións cada unha. Francia viviu unha etapa dourada nos [[Campionato de Europa de hóckey a patíns masculino|Campionatos de Europa]] nos primeiros anos da competición, cando conseguiu subir sete veces ao podio nas sete primeiras edicións, cinco desas veces para colgarse a medalla de prata ([[1926]], [[1927]], [[1928]], [[1930]] e [[1931]]) e dúas veces a medalla de bronce ([[1929]] e [[1932]]), sen embargo dende o último bronce de [[1932]] a selección gala atravesou unha etapa na que non foi quen de chegar ás semifinais e que se prolongaría ata o Campionato de Europa do [[2000]] disputado en [[Wimmis]] ([[Suíza]]), cando a selección francesa conseguiu chegar novamente ata as semifinais e converterse na cuarta selección de [[Europa]], repetindo posto no [[2002]] e no [[2008]], aínda que o mellor resultado do equipo francés chegou no Campionato de Europa disputado en [[Wuppertal]] ([[Alemaña]]), no que Francia volveu subir ao podio e colgarse a medalla de bronce. Francia non realizou ningunha actuación destacable nos [[Campionato do Mundo "A" de hóckey a patíns|Campionato do Mundo "A"]], no que nunca conseguiu chegar ás semifinais, mais posúe dous títulos do [[Campionato do Mundo "B" de hóckey a patíns|Campionato do Mundo "B"]] conseguidos nos anos [[1984]] e [[1994]] tras vencer na final ás seleccións de [[Selección de hóckey a patíns masculina de Bélxica|Bélxica]] e [[Selección de hóckey a patíns masculina de Angola|Angola]] respectivamente, ademais nesta mesma competición conseguiu un segundo posto en [[1992]] tras perder na final fronte á selección de [[Selección de hóckey a patíns masculina de Andorra|Andorra]].