Física da materia condensada: Diferenzas entre revisións

A Física da Materia Condensada é o campo da [[física]] que se ocupa das características físicas macroscópicas da [[materia]]. En particular, refírese ás [[Estado de agregación da materia|fases]] 'condensadas' que aparecen sempre que o número de constituíntes nun sistema é extremadamente grande e as interaccións entre os compoñentes fortes. Os exemplos máis familiares de fases condensadas son os [[sólidos]] e os [[líquidos]], que xorden a partir de enlaces e unións causados por interaccións [[Electromagnetismo|electromagnéticas]] entre os [[átomos]]. Entre as fases condensadas máis exóticas cóntanse as fases [[superfluído|superfluídas]] e o [[condensado de Bose-Einstein]], que se atopan en certos sistemas atómicos sometidos a temperaturas extremadamente baixas, a fase supercondutora amosada polos electróns de condución en certos materiais, e as fases [[Ferromagnetismo|ferromagnética]] e [[Antiferromagnetismo|antiferromagnética]] de [[spin]]s en [[Sistema cristalino|redes atómicas]].

 

 

Unha das razóns para que a física de materia condensada reciba tal nome é que moitos dos conceptos e técnicas desenvolvidos para estudar sólidos aplícanse tamén a sistemas fluídos. Por exemplo, os electróns de condución nun [[condutor eléctrico]] forman un tipo de líquido cuántico que ten esencialmente as mesmas características que un fluído conformado por átomos. De feito, o fenómeno da [[superconductividade]], no cal os electróns se condensan nunha nova fase fluída na que poden fluír sen disipación, presenta unha grande semellanza coa fase superfluída que se atopa no [[helio-3]] a moi baixas temperaturas.