Retrovirus: Diferenzas entre revisións

Un '''retrovirus''' é un [[virus de ARN]] que se replica nunha célula hóspede facendo unha copia en [[ADN]] do seu [[xenoma]]. Os máis típicos pertencen á familia '''Retroviridae'''. Entre eles está o [[VIH]] causante da [[SIDA]]. O virus usa primeiramente o seu [[encima]] característico, a [[reversotranscritase]] para producir [[ADN]] a partir do seu xenoma de [[ARN]], o que é o inverso do procedemento normal ([[transcrición xenética|transcrición]]: ADN→ARN). Este novo ADN de orixe viral é despois [[integración retroviral|incorporado]] ao xenoma da célula [[hóspede]] pola acción dun encima [[integrase]]. A célula despois trata ao ADN proviral incorporado como parte do seu propio xenoma, e segue as súas instrucións fielmente, fabricando as proteínas víricas codificadas nos xenes virais necesarias para a ensamblaxe e formación de novas copias do virus. Os retrovirus son [[virus con envoltura]] membranosa, que toman da célula infectada. Hai algúns virus con reversotranscrición que son virus de ADN e que non pertencen á familia Retroviridae ou relacionadas (ver grupo VII en "Clasificación" máis abaixo).