Pobos indíxenas de Honduras: Diferenzas entre revisións

Etnicamente os chortís pertencen á familia [[maiaqueches|maiaqueche]] e son descendentes deles, quen fundaron as cidades maias de [[Copán]], [[Quirigua]] e outras poboacións do extremo meridional do [[imperio maia|imperio]]. A pesar da súa orixe maia, algúns sosteñen que se tería definido como etnia tras a fusión con lencas primeiro e pipiles máis tarde. A súa lingua, a [[lingua chortí|chortí]], está emparentada coa [[lingua chol|chol]] e a [[lingua chontal|chontal]], que se falan nos estados mexicanos de [[Chiapas]] e [[Tabasco]]. O seu hábitat en territorio hondureño localízase nos departamentos de [[departamento de Copán|Copan]] e [[departamento de Ocotepeque|Ocotepeque]] e como pobo teñen experimentado unha forte [[aculturización]]. Aínda que pertencen na súa maioría á relixión católica, practican o sincretismo nas súas cerimonias e rituais. Dende o punto de vista social, os chortís están fortemente ligados á terra, á familia e á veciñanza. Os xeitos comunitarios de cooperación son vitais para a súa subsistencia.

 

[[Categoría:Honduras]]