Sapo: Diferenzas entre revisións

En realidade, son varias as familias de sapos que habitan en Galicia (e algunhas máis que viven noutras partes do mundo). Á parte da familia dos bufónidos, dos que temos dous representantes, o [[sapo común]] (''Bufo bufo'') e o [[sapo corredor]] ou corriqueiro (''Bufo calamita''), temos na nosa terra outros dous representantes da familia dos [[discoglósidos]] (''Discoglossidae''), o [[sapiño pinto]] (''Dioscoglossus galganoi'') e o [[sapiño comadrón]] (''Alytes ostetricans''), un da dos [[pelobátidos]] (''Pelobatidae''), o [[sapo de esporóns]] (''Pelobates cultripes'') e outro da dos [[pelodítidos]] (''Pelodytidae''), o [[sapiño patilongo]] ou de patas longas (''Pelodytes punctatus'').<ref>Galán Regalado, Pedro e Gustavo Fernández Arias (1993): ''Anfibios e réptiles de Galicia''. Vigo: Xerais, p. 141-142.</ref>

 

A maioría deles vive dentro ou próximos a unha fonte de auga, aínda que existen sapos que viven en ambientes húmidos mais que non son considerados ambientes acuáticos. A necesidade por auga é mais urxente para os [[Ovo (bioloxía)|ovos]] e as crías do sapo, a pesar de que algunhas especies utilicen pozas temporalmente e agua recollida nos ramos de plantas. Os anfibios dependen da auga para a posta de ovos —pois estes non teñen casca— e para manter a [[pel]] húmida que resulta necesaria para a realización da [[respiración]] [[pel|cutánea]], onde o intercambio de gases faise na pel. A respiración cutánea é necesaria pois a [[respiración]] [[pulmón|pulmonar]] non é completamente eficiente.