Sardiña: Diferenzas entre revisións

A cor é azul verdosa no dorso e prateada nos costados e no ventre, este moito máis claro. No lombo poden observarse pequenas manchas máis ou menos aliñadas. As [[escama (zooloxía)de peixe|escamas]] son grandes e na liña ventral forman unha quilla. O opérculo mostra estrías lonxitudinais.

Caracterízanse por posuíren unha única [[aleta]] dorsal, que nace por diante da metade do corpo; este carácter serve para diferencialo do arenque, coa aleta dorsal máis posterior: se se toma o peixe pola aleta, a sardiña bascula cara atrás e o arenque cara adiante. As aletas dorsal e anal carecen de [[espiña (zooloxía)|espiñas]]s. As aletas ventrais ou pelvianas nacen en posición posterior á dorsal, e a caudal é bifurcada.