Os membros normais dunha [[especie]] en particular posúen todos o mesmo número de cromosomas (Táboa 1). As especies que se reproducen [[reprodución asexuada|asexuadamente]] teñen un conxunto de cromosomas, que é igual en todas as células do corpo. As especies que se reproducen [[reprodución sexuada|sexuadamente]] teñen [[célula somática|células somáticas]], que son [[diploide]]s [2n] (teñen dous conxuntos de cromosomas, un proveniente da nai e outro do pai) ou [[poliploide]]s [Xn] (teñen máis do que dous conxuntos de cromosomas), e [[gameto]]s (células reprodutoras), que son [[haploide]]s [n] (teñen apenas un conxunto de cromosomas). Os gametos prodúcense por [[meiose]] dunha célula diploide da [[liña xerminativa]]. Durante a meiose, os cromosomas correspondentes do pai e da nai poden trocar pequenas partes de si ([[mutación]] (mais en xeral mestúranse os de pai e nai), e así criar novos cromosomas que non se herdaron unicamente dun dos proxenitores. Cando un gameto masculino e un gameto feminino se unen ([[fertilización]]), fórmase un novo organismo diploide.
