Tomé de Aquino: Diferenzas entre revisións

Desde o punto de vista da [[Teoloxía filosófica]], tamén son destacables as ''cinco vías'' tomistas da existencia de Deus, nas que pretende demostrar racionalmente a súa existencia partindo de feitos observables por calquera ser humano. Parte da idea aristotélica do motor inmóbil, fonte de todo movemento entendido como paso da potencia ao acto e do concepto de causa eficiente, axente, material e final. Coñécense co nome de ''probas a posteriori'' para diferencialas das probas meramente racionais propostas anteriormente no século XI polo monxe [[Anselmo de Canterbury]]. Para Tomé de Aquino, nada pasa da potencia ao acto a non ser baixo a acción de algo que estea xa en acto. Deus é o acto puro, tal como sostiña Aristóteles, pero a diferenciadiferenza do sostido por este non está pechado en si mesmo no seu autocoñecemento senón que crea o mundo, comunicase a el e coñéceo coñecéndose a si mesmo.