A casa dos Plantagenêt desenvolveu desde os seus inicios unha política de alianzas matrimoniais que lleslle permitiu chegar ao trono de [[Inglaterra]] e constituír un verdadeiro imperio na segunda metade do século XII. Con só 15 anos, en [[1128]], Godofredo V, herdeiro do conde do Anjou, casou na catedral de [[Le Mans]] con Matilde, once anos máis vella ca el e filla de Henrique I, rei de [[Inglaterra]] e duque de [[Normandía]]. Con esta unión procurábase a paz entre o Anjou e a Normandía, cuxos señores mantiveran diferentes conflitos ao longo do século XI. Este matromonio non supuxo o acceso inmediato dos Plantagenèt ao trono inglés xa que, ao morrer seu pai, Matilde tivo que loitar pola coroa contra [[Étienne de Blois]]. Será finalmente Henrique, o fillo de Godofredo e Matilde, quen fai valer os seus dereitos ao trono en [[1153]], sendo coroado no ano seguinte como [[Henrique II]] e asentando as bases do que será o coñecido como [[Imperio anxevivo]].
