Tumor cerebral: Diferenzas entre revisións

Un '''tumor cerebral''' é un crecemento descontrolado e desproporcionado de [[célula]]s derivadas de compoñentes cerebrais (tumores primarios do cerebro), ou ben de células tumorais localizadas noutras áreas do organismo pero que invaden o [[cerebro]] ([[metástase]]s).

Os tumores poden ser de carácter benigno ou maligno, dependendo das súas características, isto é, da velocidade de crecemento, de se son quen de invadir estruturas a distancia ([[metástase|metastatizar]]), e de se poden ser resecados ou curar mediante o tratamento neurocirúrxico. A diferenza dos tumores de outros [[Tecido (bioloxía)|tecidos]], a distinción entre manifestacións malignas e beningnas non é tan clara, xa que algunhas lesións benignas poden ter certos comportamentos malignos. Os tumores malignos producen [[metástase]]s. Outros tumores malignos noutras localizacións do corpo poden producir metástases no cerebro. Os tumores que máis adoitan producir metástases no cerebro son, por orde de frecuencia, os [[cancro]]s de [[pulmón]], [[mama]], [[pel]] ([[melanoma]]), [[ril]] e [[sistema dixestivo]], e adoitan medrar entre a unión do córtex e a substancia branca.