Thema: Diferenzas entre revisións

O ''thema'' Tracio orixinalmente constaba dunha franxa de territorio que abrazaba a costa desde [[Dirraquia|Dirraquio]] en [[Tracia]], comprendendo a maioría de [[Grecia]], [[Albania]] e da Turquía europea, incluíndo [[Constantinopla]]. O ''thema'' Opsicio estaba composto de toda [[Bitinia]] e [[Paflagonia]], estendéndose dende [[Abidos (Grecia)|Abidos]] nos [[Dardanelos]] até Sínope no mar Negro e terra firme en [[Ankara]] (a maior parte do cuadrante noroeste da actual Turquía asiática). O cuadrante suroeste da actual Turquía estaba dividida entre os ''themata'' Anatólico e Carabisiano. O ''thema'' Carabisiano era unha estreita franxa territorial que comprendía a provincia costeira de [[Panfilia]] e a illa de [[Rodas]]. O ''thema'' Anatólico rodeaba o ''thema'' Carabisiano e orixinalmente formábano as provincias de [[Licia]], [[Frixia (rexión)|Frixia]], [[Pisidia]] e partes de [[Galacia]] e [[Isauria]] (abranguía dende o territorio de [[Esmirna]] até [[Iconio]], e do Mediterráneo até [[Mersin|Marsin]], cara ao leste). Este cinco thematas orixinais foron subdivididos máis tarde e engadíronse ao imperio novos themas durante a expansión territorial levada a cabo durante os séculos IX e X.