León III (emperador): Diferenzas entre revisións

[[Ficheiro:Solidus-Leo III and Constantine V-sb1504.jpg|miniatura|300px|León e o seu fillo [[Constantino V]].]]

'''León III o [[Isauria|Isaurio]]''' (c. [[680]] - [[18 de xuño]] de [[741]]), [[Emperadores bizantinos|emperador bizantino]] desde [[717]] ata a súa morte. Acabou co período de inestabilidade, defendendo con éxito o Imperio ante os [[Arabia|árabes]], e adoptou a [[iconoclasta|iconoclastia]] como política relixiosa.

León naceu no provincia [[siria]] de [[Commagene]]. Ascendeu rapidamente no exército, e baixo [[Anastasio II, Emperador|Anastasio II]] concedéuselle o mando do exército de Oriente. En [[717]] rebelouse contra o usurpador [[Teodosio III]] e, na súa marcha cara a [[Constantinopla]], foi elixido emperador no seu lugar. Durante o primeiro ano do reinado de León, a capital sufriu un grave asedio por parte dos árabes, que aproveitaron a desorde civil no Imperio para levar unha forza de 80.000 homes ata o [[Bósforo]]. Grazas á súa decidida defensa, León conseguiu que os árabes se retirasen tras doce meses de asedio. Un factor importante na vitoria bizantina foi o uso do [[lume grego]]. Tras librar así ao Imperio dunha ameaza que puxo en perigo a súa existencia, León dedicouse a consolidar a súa administración, que sufrira durante os anteriores anos de anarquía. Asegurou tamén as súas fronteiras invitando a colonos [[eslavo]]s a instalárense en rexións despoboadas e restaurando a eficiencia do exército: cando os árabes volveron atacar en [[726]] e [[739]], foron derrotados decisivamente. As súas reformas civís supuxeron a eliminación do sistema de prepago de impostos, que impoñía a carga fiscal sobre os grandes terratenentes, a conversión dos [[servo]]s nunha clase de arrendatarios libres e a remodelación do dereito de familia e do dereito marítimo. Todas estas medidas, que se incorporaron ao novo código de [[740]], atoparon unha certa oposición por parte da nobreza e o alto clero.

 

[[it:Leone III di Bisanzio]]

[[ja:レオーン3世]]

[[ko:레오 3세 (비잔티움 제국)]]

[[la:Leo III Isaurianus]]