Ponte disulfuro: Diferenzas entre revisións

Como as pontes disulfuro poden ser reducidas reversiblemente e reoxidadas, o estado redox destes enlaces acabou evolucionando a un elemento sinalizador usado na regulación. Nos [[cloroplasto]]s, por exemplo, a redución encimática das pontes disulfuro foi relacionada co control de numerosas [[vía metabólica|vías metabólicas]] e coa [[expresión xénica]]. Esta actividade sinalizadora redutiva parece que a leva a cabo o sistema [[ferredoxina]]-[[tiorredoxina]], canalizando electróns desde as reaccións luminosas do [[fotosistema I]] para reducir cataliticamente disulfuros en proteínas reguladas dun modo dependente da luz. Deste modo, os cloroplastos axustan a actividade de procesos chave como o [[ciclo de Calvin]], a degradación do [[amidón]], a produción de [[adenosín trifosfato|ATP]] e a expresión xénica de acordo coa intensidade da luz.