Lingua hindi: Diferenzas entre revisións

Por razóns de rivalidade político-relixiosa entre a India e [[Pakistán]], vense considerando como un idioma diferente do [[lingua urdú|urdú]] (que é o idioma oficial de Pakistán). Mais na súa forma coloquial ambos os dous son mutuamente intelixíbeis, sendo desde un punto de vista lingüístico variedades dun mesmo idioma. As súas diferencias redúcense basicamente ao [[sistema de escrita]], que no caso do hindi usa o alfabeto [[devanagari]], mentres o urdú emprega o [[alfabeto árabe]]. Ambos e dous idiomas tamén se diferencian na súa terminoloxía culta, que no hindi se colle xeralmente do [[sánscrito]] (xa que os indios que o falan son na súa maioría [[hinduísmo|hindús]]), mentres que en urdú os cultismos son principalmente de orixe [[lingua persa|persa]]-[[lingua árabe|árabe]] (pois a maior parte dos usuarios son [[Islam|musulmanos]]).