Wikipedia:A Wikipedia non é unha fonte primaria: Diferenzas entre revisións

{{Resumo|A Wikipedia [[Wikipedia:O que a Wikipedia non é|non]] publica traballos orixinais. Isto é, todo o material presente na Wikipedia debe ser [[Wikipedia:Verificabilidade|atribuíble]] a unha fonte acreditada e publicada. Os artigos non poden conter novas análises ou sínteses do material publicado que sirvan para presentar algunha posición que non sexa descrita claramente polas propias fontes.}}

{{Políticas}}

'''A Wikipedia non é o lugar de publicación de investigacións ou traballos inéditos'''. Ao falarmos de "investigación inédita" na Wikipedia, referímonos ao material (feitos, afirmacións e ideas) para o que non existen [[WP:V#Material cuestionable ou suxeito a selo|fontes acreditadas e publicadas]].<ref name="existen">Que "existen" significa para a comunidade que a fonte acreditada foi publicada e aínda está nalgures: onde sexa, na lingua que sexa e estea ou non dispoñible na rede.</ref> Isto inclúe a análise e síntese do material publicado que serve para presentar unha posición que non está descrita nas fontes. A finalidade desta enciclopedia non é defender unha posición ou visión sobre un determinado tema. Os artigos deben incluír referencias de fontes acreditadas e publicadas que estean '''relacionadas directamente''' co tema do artigo e que '''apoien directamente''' o material.