Aparato reprodutor masculino: Diferenzas entre revisións

O '''aparato reprodutor masculino''' está formado polos órganos xenitais situados na [[pelve]] masculina. No aparato reprodutor fórmanse os [[gameto]]s masculinos e outras secrecións que forman parte do [[seme]], que o aparato reprodutor masculino depositará no feminino para que se produza a fecundación, e produce algunhas [[hormona]]s (principalmente [[testosterona]]). Está constituído polos [[testículo]]s coas súas cubertas, o epidídimo e os condutos que conectan coa uretra, diversas glándulas ([[próstata]], [[vesícula seminal|vesículas seminais]], [[glándula bulbouretral|glándulas bulbouretrais]]), e os órganos xenitais externos, que son o [[pene]] e o [[escroto]]. <ref>E. P. Salomon, C. A. Villee, P. W. Davis. Biología. 1987. Interamericana. Páxinas 1040-1042. ISBN 968-25-1225-5</ref>