Tanino: Diferenzas entre revisións

Os '''taninos''' son compostos [[polifenol|polifenólicos]] que se unen ás [[proteína]]s provocando a súa precipitación e a outros compostos orgánicos como [[aminoácido]]s e [[alcaloide]]s, que teñen propiedades adstrinxentes e sabor amargo. Outra definición de tanino moi usada é composto polifenólico grande que contén un número suficiente de grupos [[hidroxilo]] e outros como [[carboxilo]]s, que poden formar fortes complexos con proteínas e outras macromoléculas. Son [[metabolito secundario|metabolitos secundarios]] das plantas, non nitroxenados, solubles en [[auga]] e non en [[alcohol]] nin en solventes orgánicos.

 

 

Os taninos están amplamente distribuídos en moitas especies de plantas, onde xogan un papel na protección contra os herbívoros, e quizais tamén como [[pesticida]]s, e na regulación do crecemento das plantas. <ref>{{cite book |author=Katie E. Ferrell; Thorington, Richard W. |title=Squirrels: the animal answer guide |publisher=Johns Hopkins University Press |location=Baltimore |year=2006 |page=91 |isbn=0-8018-8402-0 }}</ref> A [[adstrinxencia]] dos taninos é a que causa sequidade na boca e a sensación vomitiva ao consumir certos froitos verdes ou algúns viños tintos. <ref>{{cite book |author=McGee, Harold |title=On food and cooking: the science and lore of the kitchen |publisher=Scribner |location=New York |year=2004 |page=714 |isbn=0-684-80001-2 }}</ref> Da mesma maneira a destrución ou modificación dos taninos co tempo xoga un importante papel na maduración da froita e envellecemento do viño.